Openingstijden:
  Maart tot en met Oktober dagelijks geopend
van 9.00 tot 18.00 uur
Copyright ©2017/2018 Stichting Schaapskooi Balloërveld Stichting vrienden van het Drentse heideschaap Balloërveld
Site gehost door Fireweb.info
 
    
   
 
Terug naar de hoofdpaginaBen je medewerker van de Schaapskudde Ballo&eumlrveld, dan kun je hier toegang krijgen tot het beheergedeelte
   
  Vertrektijden
  Excursies
  Activiteiten
 
   
 
   
 
   
  Waar vindt u ons
  Laatste Balloërveld Nieuws  
  Website van de Herders
  Speciaal voor de Kids  
   
  Foto Archief  
  Video Archief  
   
  SCHAAPSKUDDE
  Geschiedenis van de Schaapskudde
  De Herder
  De Scheper (Drents verhaal)
  Het Drentse heideschaap
   
  LANDSCHAP
  Het Balloërveld
  Flora en Fauna
  Sporen in het Landschap
   
  KUDDE STEUNEN
  Informatie
  Donateur of Adoptant worden
  Sponsor worden
   
   
  Inloggen
   
 
onze sponsors
  

   
  deze website is ie & firefox vriendelijk
Schaapskudde: De Scheper
Albert Koopman en Marianne Duinkerken bint de schaopherders. Sund het begun van de tachtiger jaoren graost heur kudde het Ballerveld (Balloërveld) of. Zij worden hölpen deur Joran.

Een scheper in de ienentwintigste ieuw mot meer doen as 's nachts zien schaopen tellen. Een neimoedse herder hef een mobiele tillefoon, hef zowat een dagtaok an het pepierwark en brengt piercings an bij het jonge volk umdat de overheid wil dat ze naor beheuren markt bint.
 
Maor… olde tradities blieft. De schaopen kriegt nog aaid heui, as 't regent wordt de schaopherder ok nat en vanof november lat Albert de baord staon um in de kerstnacht zien rol goed speulen te kunnen. Jozef en Maria, het poppie en de drie wiezen oet het Oosten bint der dan ok. Het kerstverhaol wordt verteld en de kinder mugt tiedens een nachtelijke rondgang de lanteerns vastholden.

Feitelijk hef Albert maor ien ding dat e wil: zien kudde in stand holden.As geboren en getogen Drent was der vanzölf maor ien ras geschikt veur zien kudde, toen e as herder begunde. Hie hef het Drentse Heideschaop in de loop van de jaoren naor de olde kenmarken van het ras fokt en der zo veur zörgd dat dit zeldzaome schaop van het oetstarven red weur.

Aal jaor komt der ongeveer 28.000 bezukers naor de schaopskooi. Schoelen en crèches maokt veural in de laomertied geern een oetstappie naor de kudde. De kinder mugt bij de laomer in de kooi en kunt helpen met het geven van de fles. Aj van teveuren een ofspraok maokt, kan elkenien die daor zin in hef een dag met de scheper met, zwarven over het Ballerveld. Roege heide veert under je voeten, een vlaog wind nimt de geur van naoldbomen met. Opstoevend zaand, olde karrensporen, een grune evertas. Scharven van tieden die al ieuwen veurbij bint. Een koor van murmelnde schaopen begeleidt het zingen van de vogels. Zittend op een olde grafheuvel kiek ie dreumerig oet over de kudde. De hond schurkt zuch even tegen je bien, een lammegie knabbelt wat an ien van je veters en de olde zwarte ram prebeert zoas aaid vort te lopen. Tegen de aovend weerum hen de kooi: de hond veuran, een groepie laomer dat nog niet op hoes an wil, het geluud van de kudde as ze de leste paor honderd meter opiens de sokken derin zet en een eindsprint hen de kooi maokt.

Het wark van een schaopherder is nooit klaor en aj riek worden wilt, moej een aander vak kiezen. Riek an ontmoetings kuj wal worden: met wandelaors die het Pieterpad loopt, met grut van twintig jaor leden dat nou heur eigen kinder de kudde zien lat, met dwaolende lu die middel in de nacht even heur rust zuukt bij de schaopskooi.

Maor aj je riek vulen wilt, dan maok ie een goeie kans as herder: in de aovend as de schaopen binnen bint, leunend over de halve baanderdeuren intied dat de zun met zien leste straolen over de kooi strek. Het mekkern holdt op, de hond zöcht zien plekkie under de ruuf op en de kudde komp staodigan en vredig tot rust.
 
Vertaling: Jan Germs van drentse taol centrum veur taol & letterkunde
cornee veenhuis
  STARTPAGINA | SCHAAPSKUDDE | LANDSCHAP | KUDDE STEUNEN | STICHTINGEN | NIEUWS/CONTACT
 
     
 
Openingstijden Nieuws Status Behandeling
Het informatiecentrum is van Maart tot en met November dagelijks geopend van 9.00 tot 18.00 uur.
Overige maanden alleen in de weekeinden, de schoolvakanties en op afspraak.
Er is geen Laatste Nieuws beschikbaar.
Code: